Ihr sind mini Helde, wänder wüsse werum?

Erstens: Willer jede Zistig probe wänd

Zweitens: Willer immer alli Note debi händ

Drittens: Willer sauguet tüend musiziere

Viertens: Willer au mol öppis neus tüend usprobiere

Füftens: Willer Traditione pfleged

Sächstens: Willer Fründschafte heged

Siebtens: Willer wes mal Differenze git tüend zämäha

Achtens: Willer wenns chalt isch ade Fasnacht tüend zämästah

Nüntens: Willer jedi Wuche tüend eui Instrument poliere

Zähntens: Willer bim Iwärme em Nochber tüend de Nacke massiere

Elftens: Willer wied Weltmeister tüend a Bode abe chodere

Zwölftens: Willer bim Bockbier au wenns chalt isch en Marsch tüend here schnodere

Drizähntens: Willer nachm Baseltattoo no zämä gönd go mampfe

Vierzähntens: Will sech jede bim marschiere zämäriisst und no chli tuet chrampfe

Füfzähntens: Willer de Tschoope aleged au wenns heisselet

Sächzähntens: Willer de Alte im Heim gönd go spile au wenns villich chli seichelet

Siebzähntens: Willer alles spiled wod MUKO eu uftischet

Achtzähntens: Willer nöd zfest motzed, au wenn d Schlagzüger eu mol echli ufmischet

Nünzähntens: Willer au nachme schlechte „Back to the Future“ eues Lächlä bhaltet

Und Zwänzigstens: Willermi au nach 3 Johr no ushaltet